POVRATAK

Harold Pinter – POVRATAK

Godine 1958. zapisao sam sljedeće: „Ne postoji jasna razlika između onoga što je realno i nerealno, niti između istinitog i lažnog. Stvar nije obavezno istinita ili lažna; može istovremeno da bude i jedno i drugo.“
Vjerujem da ove tvrdnje još uvijek imaju smisla, da su još uvijek primjenjive na istraživanje realnosti kroz umjetnost. Te ih se kao pisac držim, ali kao građanin ne mogu. Kao građanin, moram da se pitam: Što je istinito? Što je lažno?
Istina u drami je uvijek neuhvatljiva. Nikad je nije moguće sasvim pronaći, ali sama potraga za njom je potreba. Potraga je ono što zaliva želju. Potraga je zadatak. Dosta često slučajno pronađeš istinu u mraku, tako što se sudariš sa njom ili što ti se na tren javi slika ili oblik koji kao da korespondira sa istinom, a da najčešće nijesi toga ni svjestan. Ali prava istina je da u dramskoj umjetnosti nije moguće pronaći samo jednu istinu. Ima ih mnogo. Ove istine propituju jedna drugu, proizilaze jedna iz druge, odražavaju jedna drugu, ignorišu jedna drugu, kopkaju jedna drugu, slijepe su jedna za drugu.
Često me pitaju kako nastaju moje drame. Ne bih znao reći. Niti ikad mogu da sumiram svoje drame, osim da kažem da je to ono što se to desilo. Ono što Su rekli. Ono što su uradili.

Harold Pinter (1930 – 2008)
(Odlomak iz predavanja Istina, umjetnost i politika povodom dodjele Nobelove nagrade za književnost, Stokholm, 2005.)