parallax background

Ljubomir Đurković, Kasandra. Klišeji – reality fiction

Nataša Nelević, “Jaja”, ženski polilog
27/12/2010
Vasko Raičević – “Kalina proces”
25/10/2017

Ljubomir Đurković, Kasandra. Klišeji – reality fiction

ISBN 978-86-7414-040-6
(Podgorica 2011, urednik Goran Bulajić).

 

Ova drama ušla je u novu ediciju “Nagrađene drame” jer je proglašena za najbolji dramski tekst na Bijenalu crnogorskog teatra 2010. godine.

Objavljena je dvojezično (crnogorski i engleski – pr. J. Stanovnik).

U kratkom analitičkom uvodu (“Plamen ispod vode”), Andro Martinović je u Đurkovićevom tekstu prepoznao persiflažu tragičnog i parodiju parodije.

Piščev dramaturški prosede da transponuje antičke motive u drukčiji semantički kontekst i ovđe je prisutan.

On podražava TV reality show kao dramski okvir.

Ženski likovi, Hipolita, Edipa i Narcisa obavezane su, jer su prodale svoje intime, da, na poticaj voditeljke Kasandre, publici otkriju moralne prekršaje. Ispovijedi su presijecane reklamama koje ih čine kondenzovanim.

Voditeljka Kasandara u prologu “objašnjava” da u reality show programu “ulazite u tuđe živote. U stvarne tuđe živote, a ne kao u pozorištu, u maštu autora”. Na kraju, tragične epiloge u sve strasnijim ispovijedima Kasandra ocjenjuje kao sentimentalnu banalnost i prekida emisiju.

Show fiction je, kako kaže Martinović, samorazarajuća forma koja nas upozorava na problem pouzdanosti mimeze. Na klapnama se nalazi dvojezična kratka biografija autora.